2024
Sa 23. November 24 17.07 Uhr
SONGS & SWEETS IN THE AFTERNOON
evang. Kirchgemeindezentrum Rorschach
Samschtig heisst ufstoh, zmörgele, ufruume, putze, Wösch mache, poschte, Zmittag
choche, Chind / Enkelchind hüete, denn will de Hund use, am liebschte drümol … und
denn lüted endlich d’Chileglogge de Suntig ii. Jetzt a dem bsundere Samschtig sött me
für eimol nöd kaputt ufs Sofa sinke und Netflix luege, du häsch äs
Date – in the Afternoon – mit üs
Muesch unbedingt cho luege:
De Barpianist SANDRO setzt sich as Klavier und es Chilegmeindhus isch – zack – ä Wohlfühloase.
Muesch unbedingt cho lose:
Diä Kläng vom FRAUENCHOR sind scho fascht kitschig schön, si singed vo Liebi und Leid,
romantisch, verträumt und rassig und mit Witz- eifach alles für s’Gmüet. Aber so richtig
as Härz gohts, wenn me sälber singt und – das wird d’Kathrin Pfändler Kehl schaffe,
de Chor und du und de ganzi Saal: das wird Sound vo de Extraklasse!
Muesch unbedingt cho gnüsse:
Verwöhnt werded ali mit süesse und salzige Häppli vom Feinste, vor em Konzert und noch em Konzert und
sogar no i dä Pause. Wer üs kennt, weiss, mir lönd üs nöd lumpe,
wenn’s um üsi Bachkünscht goht und übrigens: Es git also nöd nu Tee zum trinke!
Und s’guet End:
Uf em Heimweg bisch voll Energie und Läbesfreud, liecht schwebend – eifach glücklich.
Mir wüssed da, üs gohts doch noch jedere Prob genau so. Singe bringt’s!!
Und liebi Gönnerinne und Gönner, Sponsore und Förderer:
Ohni eu gäbs kein sonen schöne Obig, mir sind eu dankbar!!
St. Galler Kantonalbank, St. Gallen | Boeniger AG, Rorschacherberg
Gebrüder Wirth AG, Rorschacherberg | Gesundheitspraxis Geeler, Goldach
Metzgerei Ehrbar, Mörschwil | Raiffeisenbank Region Rorschach, Rorschach
Schweiz. Mobiliarversicherung, Rorschach | Sutter Electro bei Tech.Com, Rorschach
Blumenbar, Mörschwil | Maggie’s KAFI UND WY TREFF, Goldach
Pizzeria Capri, Rorschach | Pizzeria Gemelli, Rorschach
Restaurant Ochsen, Goldach | Blumen Jerg, Goldach
Hotel-Restaurant Rebstock AG, Rorschacherberg
Breitenmoser Fleischspezialitäten, Rorschacherberg | Storen am See, Goldach
Mi 18. Dezember 24 18.30 Uhr
Singen auf dem Lindenplatz
Ostersonntag 20. April 2025 6.00 Uhr
Mitwirkung Gottesdienst
evang. Kirche Rorschach